Lögfræðilegar upplýsingar

Persónuverndarstefna Hringiðunnar

Hjá Hringiðunni leggjum við áherslu á að gæta persónuverndar og fara með upplýsingar um viðskiptavini okkar af ábyrgð. Hér útskýrum við hvaða persónuupplýsingum við söfnum, hvernig við notum þær og hvaða réttindi þú hefur.

Við vinnum með persónuupplýsingar í samræmi við lög nr. 90/2018 um persónuvernd og vinnslu persónuupplýsinga og lög nr. 70/2022 um fjarskipti.

1. Ábyrgð á persónuupplýsingum

Hringiðan ehf., kt. 700395-2949, Skúlagötu 19, 101 Reykjavík, er ábyrgðaraðili vinnslu persónuupplýsinga í tengslum við starfsemi félagsins.

Stefnan nær til viðskiptavina okkar, tengiliða fyrirtækja, þeirra sem hafa samband við okkur og þeirra sem heimsækja vefsíðu okkar.

Hægt er að hafa samband við okkur vegna persónuverndarmála í tölvupósti á hringidan@hringidan.is eða í síma 525 2400.

2. Hvaða upplýsingum söfnum við?

Við söfnum og vinnum með þær persónuupplýsingar sem nauðsynlegar eru til að veita þjónustu okkar og sinna viðskiptasambandi.

Það fer eftir þeirri þjónustu sem þú nýtir hvaða upplýsingar við vinnum með. Þær geta meðal annars verið:

  • Grunnupplýsingar: Nafn, kennitala, heimilisfang, símanúmer og netfang.
  • Viðskipta- og greiðsluupplýsingar: Upplýsingar um áskriftir, pantanir, reikninga, greiðslur og innheimtu.
  • Fjarskiptaupplýsingar: Upplýsingar um tengingar, IP-tölur, símanúmer, gagnamagn, tímasetningar og notkun fjarskiptaþjónustu.
  • Samskipti: Tölvupóstar, þjónustubeiðnir og önnur samskipti við Hringiðuna.
  • Tæknilegar upplýsingar: Upplýsingar um búnað, tengingar og bilanir sem nauðsynlegar eru til að reka og viðhalda þjónustunni.

Upplýsingarnar fáum við að mestu leyti beint frá þér, við notkun þjónustunnar eða frá samstarfsaðilum sem koma að veitingu hennar.

3. Hvernig notum við upplýsingarnar?

Við notum persónuupplýsingar fyrst og fremst til að:

  • Stofna og halda utan um viðskiptasamband og veita umbeðna þjónustu.
  • Gefa út reikninga, taka við greiðslum og sinna innheimtu.
  • Veita þjónustuaðstoð, greina bilanir og tryggja öryggi og virkni fjarskiptakerfa.
  • Upplýsa viðskiptavini um breytingar á þjónustu, verði eða skilmálum.
  • Uppfylla skyldur samkvæmt lögum og reglum.

Vinnslan byggist eftir atvikum á þjónustusamningi, lagaskyldu, lögmætum hagsmunum Hringiðunnar eða samþykki þínu.

Við kunnum einnig að senda upplýsingar um vörur og þjónustu Hringiðunnar þegar lög heimila. Þú getur hvenær sem er óskað eftir að fá ekki slík markaðsskilaboð.

4. Miðlun persónuupplýsinga

Í sumum tilvikum þurfum við að miðla nauðsynlegum upplýsingum til samstarfsaðila svo hægt sé að veita þá þjónustu sem þú hefur óskað eftir.

Þetta á meðal annars við um Mílu og Ljósleiðarann, sem koma að uppsetningu og rekstri ljósleiðaratenginga. Einnig kann upplýsingum að vera miðlað til aðila sem sinna greiðslumiðlun, innheimtu, upplýsingatækni eða annarri þjónustu fyrir Hringiðuna.

Við miðlum aðeins þeim upplýsingum sem nauðsynlegar eru hverju sinni og gerum viðeigandi samninga um vinnslu og vernd upplýsinganna þegar þess er krafist.

Upplýsingar kunna einnig að vera afhentar opinberum aðilum þegar okkur ber lagaleg skylda til þess.

Ef persónuupplýsingar eru fluttar eða unnar utan Evrópska efnahagssvæðisins (EES) gætum við þess að viðeigandi lagaheimildir og verndarráðstafanir séu fyrir hendi.

5. Hversu lengi geymum við upplýsingar?

Við varðveitum persónuupplýsingar aðeins eins lengi og nauðsynlegt er vegna þjónustunnar, viðskiptasambandsins eða samkvæmt lögum.

Bókhaldsgögn eru almennt varðveitt í sjö ár samkvæmt bókhaldslögum. Tiltekin gögn um fjarskiptaumferð eru varðveitt í sex mánuði samkvæmt fjarskiptalögum, nema önnur lögmæt ástæða heimili eða krefjist frekari varðveislu.

Pantanir og tilboðsbeiðnir sem berast í gegnum vefinn eru varðveittar í 12 mánuði.

Öðrum upplýsingum er eytt eða þær gerðar ópersónugreinanlegar þegar ekki er lengur þörf á þeim.

6. Öryggi persónuupplýsinga

Við leggjum áherslu á að tryggja öryggi persónuupplýsinga með viðeigandi tæknilegum og skipulagslegum ráðstöfunum.

Aðgangur að persónuupplýsingum er takmarkaður við þá starfsmenn og þjónustuaðila sem þurfa á honum að halda vegna starfa sinna. Við gætum trúnaðar um upplýsingar viðskiptavina og fylgjum reglum um fjarskiptaleynd.

7. Vefkökur

Vefsíða Hringiðunnar kann að nota vefkökur og sambærilega tækni til að tryggja virkni og öryggi síðunnar.

Ef notaðar eru valkvæðar vefkökur, til dæmis vegna tölfræðimælinga eða markaðssetningar, er aflað samþykkis þegar þess er krafist samkvæmt lögum.

Kort

Á síðunni Hafa samband sýnum við einfalt kort af skrifstofu Hringiðunnar sem mynd, vistaða á okkar eigin vefsvæði. Kortið setur ekki vefkökur og sendir ekki upplýsingar til kortaveitna við venjulega heimsókn. Ef þú smellir á kortið eða á tengilinn „Fá leiðarlýsingu“ opnast kortaveita þriðja aðila (Google Maps) í nýjum flipa. Þá gilda persónuverndarstefnur viðkomandi aðila og þær kunna að nota vefkökur eða vinna með IP-tölu þína.

Vistun í vafra og vörn gegn ruslpósti

Þegar þú fyllir út form á vefnum geymum við það sem þú slærð inn aðeins í þínum eigin vafra svo það tapist ekki. Pakkinn sem þú setur saman í pakkasmiðnum er geymdur í localStorage í allt að 30 daga og drög að tilboðsbeiðni í allt að 7 daga. Pöntunarform er geymt í sessionStorage þar til flipanum er lokað, en kennitala er ekki vistuð þar. Ekkert er sent til okkar fyrr en þú ýtir á senda. Þú getur eytt þessum gögnum hvenær sem er með „Hreinsa upplýsingar“ á tilboðsforminu, „Byrja upp á nýtt“ í pakkasmiðnum eða með því að hreinsa vafragögn.

Tilboðsbeiðnir eru vistaðar á öruggan hátt hjá Hringiðunni ehf. til að svara þeim. Kennitala fyrirtækis og aðrar upplýsingar í tilboðsbeiðni eru vistaðar með beiðninni og eytt samkvæmt sömu reglum og beiðninni sjálfri. Til að verjast ruslbeiðnum vistum við óafturkræft dulkóðað fingrafar (hash) af IP-tölu sendanda í 30 daga. Fingrafarið er eingöngu notað til að takmarka fjölda beiðna og er síðan eytt.

8. Réttindi þín

Þú átt rétt á að fá upplýsingar um hvaða persónuupplýsingar við vinnum með um þig og óska eftir aðgangi að þeim.

Þú getur einnig óskað eftir leiðréttingu rangra upplýsinga, eyðingu eða takmörkun vinnslu, andmælt vinnslu eða óskað eftir afhendingu upplýsinga á tölvutæku formi, eftir því sem lög heimila.

Ef vinnsla byggist á samþykki þínu getur þú afturkallað það hvenær sem er.

Réttur til eyðingar getur verið takmarkaður þegar okkur ber lagaleg skylda til að varðveita upplýsingar, til dæmis samkvæmt bókhalds- eða fjarskiptalögum.

Viljir þú nýta réttindi þín eða hafir þú spurningar um meðferð persónuupplýsinga getur þú sent okkur tölvupóst á hringidan@hringidan.is.

Þú átt jafnframt rétt á að beina kvörtun til Persónuverndar, www.personuvernd.is.

9. Breytingar á persónuverndarstefnu

Við endurskoðum persónuverndarstefnuna eftir þörfum, meðal annars vegna breytinga á starfsemi okkar, þjónustu eða gildandi lögum.

Uppfærð útgáfa stefnunnar verður birt á vefsíðu Hringiðunnar.